Հյուսիսային Կորեան բալիստիկ հրթիռ է արձակել Ճապոնական ծովի ուղղությամբ

Հյուսիսային Կորեան հեռահար բալիստիկ հրթիռ է արձակել Ճապոնական ծովի ուղղությամբ, հայտնել են ճապոնացի և կորեացի զինվորականները։ Արկը թռել է ավելի քան մեկ ժամ, սա հյուսիսկորեական հրթիռների արձակումներից ամենաերկարն է։

Մեկնարկը տեղի է ունեցել հուլիսի 12-ի առավոտյան՝ տեղական ժամանակով մոտավորապես ժամը 10-ին։ Այս մասին արձանագրել է Հարավային Կորեայի զինված ուժերի շտաբի պետերի միացյալ շտաբը, հայտնում է Yonhap-ը։

Հուլիսի 12-ի առավոտյան արձակված հրթիռի թռիչքը տևել է 74 րոպե և դարձել ամենաերկարը հյուսիսկորեական հրթիռների համար, հայտնում է ճապոնական Asahi հեռուստաալիքը։

Ճապոնիան խիստ բողոք է հայտնել ԿԺԴՀ-ին հրթիռի արձակման կապակցությամբ։