Ամենահարուստ փոխնախարարների թոփ 10-յակը

Վերլուծական 23 Օգոստոս, 2023 21:17

Շարունակելով ուսումնասիրել հայ պաշտոնյաների ներկայացրած գույքի և եկամտի հայտարարագրերը՝ այսօր ընթերցողի ուշադրությանը կներկայացնենք Հայաստանի ամենահարուստ փոխնախարարների տասնյակը:

Էկոնոմիկայի նախարարի տեղակալ Արման Խոջոյանը հայտարարագրել է երկու բնակարան և մեկ ավտոկայանատեղի, 2015 թվականին ձեռք բերված MERCEDES-BENZ մակնիշի ավտոմեքենա, պաշտոնյայի բանկային ավանդները կազմել են 5,000,000.00 դրամ և 10 հազար ԱՄՆ դոլար: Բանկային հաշվի մնացորդը կազմել է 368,191.00 դրամ և 12,019.38 ԱՄՆ դոլար: Պաշտոնյան հայտարագրել է նաև 4,800,000.00 կանխիկ դրամ: Աշխատանքի դիմաց ստացված վարձատրությունը կազմել է 17,117,291.00 դրամ:

Նախարարի մյուս տեղակալ Անի Իսպիրյանը հայտարարագրել է երկու բնակարան, 200,000.00 ռուբլուն համարժեք բանկային ավանդ: Պաշտոնյայի բանկային հաշվի մնացորդը կազմել է 1,936,015.97 դրամ, 2,309.43 ռուսական ռուբլի: Կանխիկ դրամը՝ 8,000.00 դրամ և 100,000.00 ռուբլի: Աշխատանքի դիմաց ստացված վարձատրությունը կազմել է 6,451,692.00 դրամ և 515,192.97 ռուսական ռուբլի: Վերջինս նաև 199,461.00 ռուբլի վարկ ունի: Պաշտոնյայի ծախսերը կազմել են 2,885,000.00 դրամ:

Քերոբյանի չորորդ տեղակալ Նարեկ Տերյանը հայտարարագրել է բնակարան և ավտոտնակ, 2013-ին գնված AUDI մակնիշի ավտոմեքենա, բանկային հաշվի մնացորդը կազմել է 864,000.00 դրամ, 1,000,000.00 ռուբլի, 15,000.00 դոլար և 15,000.00 եվրո: Կանխիկ դրամը կազմել է 282,500.00 դրամ և 1,500,000.00 ռուսական ռուբլի: Հաշվետու տարվա եկամուտները կազմել են 23,272,992.00 դրամ և 1,500,000.00 ռուբլի:

ԲՏԱ նախարարի տեղակալ Գևորգ Մանթաշյանի հայտարարագրած բանկային հաշվի մնացորդները կազմել են 400,000.00 դրամ, 500.00 ԱՄՆ դոլար, 20,000.00 ռուսական ռուբլի: Նախարարի տեղակալի էլեկտրոնային հաշվին առկա է 25,000.00 դրամ: Վերջինս հայտարարագրել է նաև կանխիկ 4,500,000.00 դրամ և 7,000.00 ԱՄՆ դոլար: Հաշվետու ժամանակահատվածում պաշտոնյայի եկամուտները կազմել են 6,160,281.50 ՀՀ դրամ:

ԱԳՆ նախարարի տեղակալ Վահե Գևորգյանը հայտարարագրել է բնակարան և հողամաս, AUDI մակնիշի ավտոմեքենա, 6,000.00 եվրոյի բանկային ավանդ, բանկային հաշիվների մնացորդը կազմել է 7,922,000.00 դրամ և 12,505.00 եվրո: Հաշվետու տարվա եկամուտները կազմել են 9,661,809.00 դրամ:

Ֆինանսների փոխնախարար Արման Պողոսյանը հայտարարագրել է անհատական բնակելի տուն, հողամաս, բազմաբնակարան շենքի ոչ բնակելի տարածք, բնակարան բազմաբնակարան շենքում: Որպես տրանսպորտային միջոց փոխնախարարը հայտարարագրել է 2019-ին ձեռք բերված TOYOTA մակնիշի ավտոմեքենա: Եվս մեկ ավտոմեքենա՝ նույն մակնիշի, փոխնախարարը ձեռք է բերել 2021-ին: Պաշտոնյայի բանկային ավանդները կազմել են 47,939.00 դրամ: Բանկային հաշիվների մնացորդը՝ 684,708.00 դրամ: Պաշտոնյան հայտարարագրել է կանխիկ 2,000.00 եվրո և 31,000.00 դրամ: Հաշվետու տարվա եկամուտները կազմել են 21,720,434.00 դրամ:

ԿԳՄՍՆ փոխնախարար Արայիկ Խզմալյանը հայտարարագրել է բնակարան, KIA և NISSAN մակնիշի ավտոմեքենաներ, բանկային հաշվի մնացորդը կազմել է 1,079,386.00 դրամ, կանխիկ դրամը՝ 11,000,000.00 ՀՀ դրամ, հաշվետու տարվա եկամուտները կազմել են 14,829,959.00 ՀՀ դրամ:

Տարածքային կառավարման փոխնախարար Հակոբ Վարդանյանը հայտարարագրել է երկու հողամաս, 2007-ին ձեռք բերված MITSUBISHI մակնիշի ավտոմեքենա, 4,855,725.20 դրամի բանկային ավանդ, բանկային հաշիվների մնացորդը կազմել է 2,208,673.06 դրամ, էլեկտրոնային հաշիվները՝ 31,432.00 և 1,818.00: Պաշտոնյան հայտարարագրել է 25,000,000.00 դրամի և 70,000.00 դոլարի կանխիկ դրամ: Հաշվետու տարվա եկամուտները կազմել են 27,410,283.40 դրամ:

Տարածքային կառավարման մյուս փոխնախարար Արմեն Սիմոնյանը հայտարարագրել է բնակարան, 25,429,879.00 դրամի հանձնված և ստացված փոխառություն, 5,900,000.00 դրամի բանկային ավանդ, բանկային հաշիվների մնացորդը կազմել է 56,720.26 ռուսական ռուբլի, 18,454.08 եվրո. 908,451.06 դրամ: Կանխիկ դրամը՝ 2,000,000.00 ռուբլի, 2,500.00 դոլար, 1,500,000.00 դրամ և 7,500.00 եվրո: Պաշտոնյայյի եկամուտները կազմել են 39,666,940.80 դրամ, 31,200.00 եվրո, 605,826.14 ռուբլի:

Տարածքային կառավարմեն երրորդ փոխնախարար Հովհաննես Հարությունյանը հայտարարագրել է բնակարան և հողամաս, 2019-ին ձեռք բերված MERCEDES-BENZ մակնիշի ավտոմեքենա: Բանկային հաշվի մնացորդները կազմել են 82,954.00 և 250,000.00 դրամ: Կանխիկը՝ 3,400,000.00 դրամ: Հաշվետու տարվա եկամուտը կազմել է 10,958,900.00 դրամ: