Վարորդը կամ քնած է եղել, կամ ինֆարկտ ստացել, փրկվածներից մեկն է օգնություն կանչել. Գորայքի վարչական ղեկավար

Սյունիքի մարզի Գորայք բնակավայրի վարչական ղեկավար Կարեն Պետրոսյանը «Հայկական ժամանակ»-ի հետ զրույցում զորացրված զինծառայողներին տեղափոխող մեքենայի վթարի հետ կապված որոշ մանրամասներ է հայտնել:

«Կա՛մ վարորդը քնած է եղել, կա՛մ ինֆարկտ է ստացել, կա՛մ էլ շատ արագ է եղել, բայց եթե դիտարկում ենք նաև այն վարկածը, թե կարող է հանդիպակաց մեքենա է դուրս եկել դիմացը, փորձել է շրջանցել, բայց արգելակման հետքեր չկան։ Այլ վարկած չկա»,- ասում է նա։

Նրա խոսքով՝ ճանապարհը ուղիղ է եղել․ «Ո՛չ քանդված է, ո՛չ էլ ջուր կար, որ, ասենք, կարող է մեքենան սահել է»:

Ըստ Պետրոսյանի՝ բոլոր զինծառայողները զորացրվել են Մեղրի համայնքից և տաքսիով տուն վերադառնալիս են եղել։ Վթարի հետևանքով 6 զինծառայողներից միայն մեկի վիճակն է բավարար եղել, որն էլ կարողացել է իջնել մեքենայից, ձորից դուրս գալ ու առաջին օգնություն կանչել՝ կանգնեցնելով մեքենաներին։

Ավելի վաղ հայտնել էինք, որ Սյունիքի մարզում՝ Գորայք բնակավայրի հատվածում, ողբերգական ավտովթար է տեղի ունեցել: Սիսիան-Երևան ավտոճանապարհի 34-րդ կմ-ին «Միցուբիշի» մակնիշի ավտոմեքենան դուրս է եկել ճանապարհի երթևեկելի հատվածից և մոտ 300 մ գլորվել հարակից ձորը:

Մահացածներից մեկը վարորդն է, մյուսը՝ ուղևորներից մեկը։ Նախնական տվյալներով՝ բուժհաստատություն դիմած անձանցից 2-ի վիճակը ծանր է, երկուսինը՝ միջին ծանրության, մեկինը՝ բավարար։

Այս թեմայով «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով Ոստիկանին սպանած անձը փախել է. նրան փնտրում են. ոստիկանության ղեկավար կազմը Արմավիրում է. ուժեղացված ծառայություն՝ մարզում «Երբեք այսքան հուզված չէի եղել». բացվեցին Ռաֆայել Երանոսյանի ու Լուիզա Ներսիսյանի աստղերը «Երբեք այսքան հուզված չէի եղել». Ռաֆայել Երանոսյան Հայաստանը հետ է կանչել Պուտինի «ձերբակալման» մասին ստորագրությունը. MediaHub Այս ամառը պատմության մեջ ամենատաքն է եղել. ԵՄ կլիմայական ծառայություն «Դասախոսներին աշխատանքից հեռացնելը հո մահվան կամ կտտանքների ենթարկվելու սպառնալիքի ներքո չի եղել, ինչո՞ւ չեն դիմադրել բուհերի ներքին օղակները». «Փաստ» «Ժողովուրդ». Էկոնոմիկայի նախարարությունը 126 հազար դրամ արժողության նարդի է գնել. ու՞մ տիրույթում է եղել գնումը Կենտրոն վարչական շրջանի որոշ հասցեներում 8 ժամ ջուր չի լինի Երևանում առևանգել են ԱՄՆ-ում հայտնի բիզնեսմենի կնոջը․ առևանգողները եղել են ԱԱԾ կեղծ համազգեստով