«Infiniti»-ն Արարատում բախվել է թմբին, անցել առուն ու կողաշրջված․ կա 1 զոհ, 1 վիրшվոր․ մանրամասներ

Այսօր՝ հուլիսի 13-ին, ողբերգական ավտովթար է տեղի ուենցել Արարատի մարզում։ Ժամը 08։30-ի սահմաններում Արարատի մարզի բնակիչ 65-ամյա Գարեգին Մ․-ն իր վարած «Infiniti» մակնիշի ավտոմեքենայով Արևշատ-Գետազատ ավտոճանապարհին, Գետազատ գյուղի վարչական տարածքում, դուրս է եկել հանդիպակաց երթևեկելի գոտի, բախվել հողաթմբին, անցել առվակի վրայով և կողաշրջված հայտնվել բնակչի հողամասում։  Այս մասին հայտնում է Shamshyan-ը։

Վթարի հետևանքով վարորդը տեղում մահացել է, իսկ ուղևորը, ում առաջին օգնության են հասել քաղաքացիները, օպերատիվորեն ժամանած ՀՀ Ներքին գործերի նախարարության փրկարար ծառայության Արտաշատի թիվ 23 հրշեջ փրկարարական ջոկատի փրկարարները՝ օղակի հրամանատար Արթուր Գալստյանի գլխավորությամբ և «Արտաշատ» բժշկական կենտրոնի շտապօգնության բժիշկների հերթապահ խմբերը տեղափոխվել Է «Արտաշատ» բժշկական կենտրոն։

Դեպքի վայր են ժամանել ՀՀ ՆԳՆ ոստիկանության Արարատի մարզային վարչության պետ Սարիբեկ Ռուստամյանը, վարչության պետի օպերատիվ գծով տեղակալ Մամիկոն Հակոբյանն ու ոստիկանության Արտաշատի բաժնի պետ Գոռ Մանուկյանը։

Ժամանել են նաև ՀՀ ՆԳՆ ոստիկանության Պարեկային ծառայության Արարատի մարզի գումարտակի 1-ին վաշտի 1-ին դասակի պարեկները՝ գումարտակի հրամանատար Գրիգոր Բաբաջանյանի, գումարտակի հրամանատարի տեղակալ Աբել Վարդանյանի գումարտակի ծառայության ավագ տեսուչ Արթուր Կոծինյանի գլխավորությամբ։

Տարածքը սահմանազատել են պարեկները և ոստիկանության Արտաշատի բաժնի հերթապահ խումբը։

Վթարի մասին ոստիկանության Արտաշատի բաժնից տեղեկությունը փոխանցել են ՀՀ Քննչական կոմիտեի Արարատի մարզային քննչական վարչություն, որտեղից ժամանել է քննչական խումբը՝ վարչության պետ Տիգրան Շոխոյանի, վարչության պետի տեղակալ Ներսես Մուրադյանի և քննիչ Քրիստինե Մանասերյանի գլխավորությամբ։

Վթարի փաստով Արարատի մարզային քննչական վարչությունում նախաձեռնվել  է քրեական վարույթ, որտեղ էլ պարզվում են վիրավորի ինքնությունը։

Ըստ նախնական տեղեկությունների հնարավոր է  վթարի պատճառը վարորդի ինքնազգացողության վատացումն է եղել, ինչն էլ դարձել է մահվան պատճառ։

Այս թեմայով Խոշոր ավտովթար՝ Վայոց ձորում․ ճակատ ճակատի բախվել են «BMW»-ն ու «Kia»-ն․ 4 վիրավոր կա Արմավիրում բախվել են «Mercedes»-ը և «Ford»-ը, իսկ հետո «07»-ը բախվել է «Mercedes»-ին․ կան վիրավորներ «Հրապարակ». Ինչպե՞ ս են գերեվարվել Արցախի պաշտոնյաները. նոր մանրամասներ Նոր մանրամասներ՝ Տիգրան Համասյանին տեղափոխող մեքենայի վրա հարձակումից Մեր հարաբերություններն անցել են ժամանակի փորձությունը. Պուտինը շնորհավորել է Լուկաշենկոյին Իրաքի ՀՕՊ ուժերը թուրքական անօդաչու թռչող սարք են խոցել․ մանրամասներ Շղթայական ավտովթար է տեղի ունեցել Երևանում․ բախվել են 7 մեքենաներ «Հրազդան» մարզահամալիրի տարածքը մասնավորեցվեց, «Յուվենտուս» ֆուտբոլային ակադեմիա կհիմնվի․ մանրամասներ Մաստարա գյուղում տուն է այրվել․ մանրամասներ Արարատում բախվել են Էջմիածին-Մասիս մարդատար գնացքն ու «Ford Transit»-ը. վերջինը հայտնվել է ձորակում