Հայ դատի Ամերիկայի հանձնախմբի մասնակիցները հանդիպել են ԱՄՆ Կոնգրեսի գրասենյակների աշխատակիցների հետ

Հայ դատի Ամերիկայի հանձնախմբի «Լեո Սարգսյան» և «Մարալ Մելքոնյան-Ավետիսյան» կրթական ծրագրերի երիտասարդները ԱՄՆ Կոնգրեսում երկու օրվա ընթացքում հանդիպել և հայկական հիմնախնդիրների վերաբերյալ իրազեկել են Կոնգրեսի ավելի քան 400 գրասենյակների աշխատակիցների։ Քարոզչական բնույթի այս արշավի կիզակետում է եղել Ադրբեջանի կողմից ապօրինաբար կալանավորված և խոշտանգված հայ բանտարկյալների խնդրի ներկայացումը և Կոնգրեսում ադրբեջանական լոբբիին հակազդումը։ Այս մասին հայտնում են ՀՅԴ Բյուրոյի Հայ դատի կենտրոնական գրասենյակից։

Հայ դատի հանձնախմբի երիտասարդները կրում էին վերնաշապիկներ, որոնց վրա պատկերված էին Ադրբեջանի կողմից ապօրինի բանտարկված Արցախի ռազմաքաղաքական ղեկավարության լուսանկարները՝ այդպիսով ուշադրություն հրավիրելով ընդհանուր առմամբ հայտնի քսաներեք գերեվարված անձանց ազատ արձակման խնդրին։ Երիտասարդները ԱՄՆ օրենսդիրներին կոչ են արել ձեռնարկել անմիջական գործողություններ՝ ապահովելու հայ գերիների անհապաղ ազատ արձակումը, ինչպես նաև ներքին օրենսդրության կիրառմամբ պատասխանատվության ենթարկելու Ադրբեջանին ռազմական հանցագործությունների համար։

Երիտասարդներն այնուհետև ցուցադրական կերպով շարվել և ողջունել են Կոնգրեսի աշխատակիցներին, ովքեր մասնակցում էին Ադրբեջանի դեսպանատան կողմից կազմակերպված ճեպազրույցին՝ այդ կերպ հիշեցնելով Ադրբեջանի հակահայկական ագրեսիայի մասին: Երիտասարդների մոտ առկա էր պաստառ, որի վրա պատկերված էին հայ պատանդների լուսանկարները։ Ադրբեջանական ճեպազրույցը համակարգել էր Ադրբեջանի կառավարության համար ԱՄՆ-ում գրանցված «օտարերկրյա գործակալ» Էզրա Ֆրիդլանդերը, ով, ըստ ԱՄՆ արդարադատության նախարարության տվյալների, տարեկան 500․000 դոլար է ստանում Կոնգրեսում ադրբեջանամետ քաղաքականությունն առաջ մղելու համար:

Երիտասարդների հետ հանդիպումից հետո կոնգրեսական Բրեդ Շերմանը X-ի իր միկրոբլոգում գրել է․ «Ոգեշնչված եմ՝ հանդիպելով ամերիկահայերի նոր սերնդին, ովքեր պաշտպանում են Արցախի արդարությունը և Ադրբեջանի կողմից ապօրինաբար ձերբակալված հայ գերիներին ազատելու անհրաժեշտությունը։ Այս ռազմագերիների թվում է Դավիթ Բաբայանը, ում հետ ես հանդիպել եմ իմ գրասենյակում՝ Ադրբեջանի կողմից նրա անօրինական առևանգումից մեկ տարի առաջ»:

Հայ դատի հանձնախմբի երիտասարդական պատվիրակությունը Կոնգրեսի անդամներին կոչ է արել անհապաղ քննարկել և ընդունել մի շարք կարևոր օրինագծեր, որոնք ուղղված են Ադրբեջանին պատասխանատվության ենթարկելուն և հայ պատանդների ազատ արձակմանը նպաստելուն։

Այս թեմայով Քննարկվել է արտահանման և ներմուծման նոր ուղիներ գտնելու հնարավորությունը. Լատվիայում հանդիպել են Պապոյանն ու Վալայնիսը ԿԳՄՍ փոխնախարարը հանդիպել է «Նոր ալիք 2024» մրցույթում հաղթած երգչուհի Անահիտ Հակոբյանի հետ ՀՀ-ում Կանադայի և Կանադայում ՀՀ դեսպանները հանդիպել են Բոլորս հույս ունեինք, որ մենք նաև օլիմպիական ոսկիներ կունենանք․ Փաշինյանը հանդիպել է մարզիկների հետ Միրզոյանը հանդիպել է ՄԱԿ-ի Պարենի և գյուղատնտեսության կազմակերպության գլխավոր տնօրենի հետ Հայաստանի և Վրաստանի պաշտպանության նախարարները հանդիպել են․ մանրամասներ «Սպասում ենք արդար դատի». 2 տարի է, ինչ Միքայել Արզումանյանը անազատության մեջ է ՀՀ-ում ԱՄՆ դեսպանը հանդիպել է Արցախից բռնի տեղահանված երեխաների հետ Էրդողանն ընդունել է ամերիկայի դեսպանին, ում առաջ նախորդ տարի «փակել էր դռները» Արմեն Փամբուխչյանը հանդիպել է մարզադպրոցների տնօրենների հետ և տվել մի շարք հանձնարարականներ