Իսրայելը հարվածներ է հասցրել Գազայի հատվածին․ ավելի քան 70 մարդ է մահացել (լուսանկարներ)
Լուսանկարներ![Իսրայելը հարվածներ է հասցրել Գազայի հատվածին․ ավելի քան 70 մարդ է մահացել (լուսանկարներ)](/timthumb.php?src=disc/13-07-24/37ffa46a198c30a89c5d1a34363e8756.jpg&w=780)
Գազայի հատվածի հարավում գտնվող Խան Յունիս նահանգում իսրայելական հարձակման հետևանքով զոհերի թիվը գերազանցել է 70-ը, մոտ 290 մարդ վիրավորվել է, հայտնել է Գազայի առողջապահության նախարարությունը։
Ավելի վաղ Գազայի առողջապահության նախարարությունը հայտնել էր, որ 20 մարդ է զոհվել, ավելի քան 90-ը՝ վիրավորվել Խան Յունիս ալ-Մավասի շրջանին իսրայելական հարձակման հետևանքով։
Իսրայելական բանակի Galei IDF ռադիոկայանը հայտնել է, որ Գազայի հատվածի հարավում գտնվող Խան Յունիս շրջանում իսրայելական ավիահարվածի թիրախը եղել է պաղեստինյան ՀԱՄԱՍ շարժման ռազմական թևի ղեկավար Մուհամմադ Դեյֆը։ Հարձակման արդյունքները դեռևս անհայտ են։
«Խան Յունիս նահանգի Ալ-Մավասի շրջանում Իսրայելի կողմից տեղի ունեցած սարսափելի կոտորածի հետևանքով՝ զոհվել է ավելի քան 70 մարդ, 289-ը վիրավորվել է», - ասվում է Գազայի առողջապահության նախարարության կայքում հրապարակված հայտարարության մեջ։
Նշվում է, որ տուժածներից շատերը ծանր վնասվածքներ են ստացել։
![](disc/13-07-24/d02810a06f602b80cdf327fea66ede64.jpg)
![](disc/13-07-24/4e3db9337f4682551370aecbadebd880.jpg)
![](disc/13-07-24/0cdcb8c6aa225773aa941ab774b6cb78.jpg)
![](disc/13-07-24/7d860ab9dd830a8614e97f63333b8f89.jpg)
![](disc/13-07-24/3949f72e54fa56772e10bb644d438813.jpg)
![](banners/armflix.jpg)