Բիլ Գեյթսը 6 տարվա մեջ առաջին անգամ կրկին գլխավորում է աշխարհի ամենահարուստ մարդկանց ցուցակը

Ամերիկյան Microsoft ընկերության հիմնադիր Բիլ Գեյթսը վերադարձրել աշխարհի ամենահարուստ մարդկանց ցուցակում առաջնորդի իր դիրքը։ Այդ մասին հինգշաբթի օրը հայտնի է դարձել ամերիկյան «Բլումբերգ» գործակալությունից, գրում է ИТАР-ТАСС-ը։ 

Վերջին անգամ ամենահարուստ մարդկանց վարկանշային աղյուսակը Գեյթսը գլխավորել է 2007 թվականին։

«Բլումբերգ»-ի տվյալներով՝ համակարգչային ընկերության 57-ամյա հիմնադրի կարողությունն այս տարի հասել է 72,7 մլրդ դոլարի, ինչը գրեթե 10 մլրդ-ով ավել է, քան անցած տարի։ Այդ կերպ Գեյթսի կարողությունն ավելի քան 550 միլիոն դոլարով գերազանցել է մեքսիկացի մեդիամագնատ Կարլոս Սլիմայի կարողությանը, ով այս պահին ցուցակում երկրորդն է։ Սլիմայի ֆինանսական անկումը պայմանավորված էր նրանով, որ տարեսկզբին Մեքսիկայի կոնգրեսն օրենք ընդունեց, որով սահմանափակում էր մեդիամագնատի գլխավորած «Ամերիկա մովիլ» ընկերության մենաշնորհը։

Ամենահարուստների վարկանշային աղյուսակում երրորդ տեղը զբաղեցնում է ամերիկացի ներդրող Ուորեն Բաֆետը, ում կարողությունը գնահատվել է 59, 6 միլիարդ դոլար։ Նրան հաջորդում է «Ինդիտեքս» առևտրային «կայսրության» հիմնադիր Ամանսիո Օրտեգան (56 միլիարդ դոլար), իսկ հնգյակը եզրափակում է շվեդական կոնցեռնի հիմնադիր Ինգվար Կամբրատը (55, 5 միլիարդ դոլար)։

Ընդհանուր առմամբ՝ «Բլումբերգի» աղյուսակում ընդգրկված է 100 մարդ։