ԱՄՆ-ում գնացքների բախումից 60 մարդ է տուժել

ԱՄՆ-ում Նյու Հեյվեն քաղաքից Նյու Յորք ուղևորվող գնացքը դուրս է եկել երկաթգծերից ու բախվել մեկ այլ գնացքի։ Պատահարը տեղի է ունեցել Փերֆիլտ քաղաքի մոտակայքում։ Բախման պահին երկու գնացքներում եղել է 250 ուղևոր. գրում է РИА «Новости»-ն։

Վերջին տեղեկությունների համաձայն՝ տուժել է 60 մարդ, նրանցից 5-ի վիճակը ծայրահեղ ծանր է։ Ավելի վաղ հայտնվում էր 50 վիրավորի մասին։ Բոլոր վիրավորներին տեղափոխել են հիվանդանոց։

Ներկա պահին կասեցված է տվյալ տարածքով գնացքների ուղևորափոխադրումը։

Նահանգապետ Դանիել Մելոուն նշել է, որ վթարի տեղանքում կկատարվեն վերականգնողական աշխատանքներ։