Ոսկուց կառուցված մետրոյի կայարան՝ Սաուդյան Արաբիայում

Սաուդյան Արաբիայի մայրաքաղաք Էր Ռիյադում կկառուցվի մետրոյի նոր կայարան, որը պատված կլինի ոսկով: Ինչպես գրում է բրիտանական The Independent պարբերականը, շինարարության համար գումար կհատկացնի Սաուդյան Արաբիայի թագավոր Աբդալլահն իր սեփական միջոցներից:

Նոր կայարանի տարածքը կկազմի 20 հազար քառակուսի մետր: Այն տեղակայված է լինելու մետրոյի նոր երթուղու հատվածում, որը ծրագրվում է կառուցել առաջիկա 4 տարում: Կայարանի հիմնական մասը կկառուցվի մարմարից, իսկ պատերը կզարդարեն ոսկյա ձուլակտորներով: Ակնկալվում է, որ մետրոյի այս կայարանը կդասվի աշխարհում ամենաթանկ և կատարյալ կայարանների շարքը:

Կայարանի նախագծումը հանձնարարվել է արաբական ծագմամբ բրիտանուհի Զահա Հադիդին: