5-ամյա աղջիկը վայր է ընկել 5-րդ հարկից պատահական անցորդի ձեռքերի մեջ

Հունաստանում 5-ամյա աղջիկը վայր է ընկել բնակելի տան 5-րդ հարկի պատուհանից և կենդանի է մնացել` ազատվելով միայն թեթև վախով. գրում է ИТАР-ТАСС-ը:

Պատուհանից նայելիս աղջկա գլուխը պտտվել է, և նա, կորցնելով հավասարակշռությունը, վայր է ընկել: Սակայն նրա անկման արագությունը նվազեցրել էին տան բակում եղած ծառի ճյուղերը: Դրանից հետո երեխան բարեհաջող վայրէջք էր կատարել պատահաբար անցնող տղամարդու ձեռքերի մեջ` չստանալով ոչ մի վնասվածք: Պրոֆիլակտիկ նկատառումներով, այսուհանդերձ, աղջկան հիվանդանոց են տեղափոխել՝ զննելու: