Բրիտանացին հայտնագործել է աշխարհի ամենաարագ զուգարանակոնքը (տեսանյութ)

Բրիտանական Սթեմֆորդ քաղաքի ինքնուս գյուտարար Քոլին Ֆերզը հայտնագործել է անիվների վրա շարժվող զուգարանակոնք: Իր ձեռքբերումը երգիծաբան-ինժեները ցուցադրել է տեսահոլովակով, որը տեղակայել է համացանցում: Զուգարանի թուղթը ծածանվում է նրա հետևից պոչի նման, ինքը գյուտարարը քիչ է մնում դուրս թռչի զուգարանկոնքի վրայից. գրում է Metro-ն: 

Անսովոր փոխադրամիջոցը ժամում զարգացնում է 88 կմ արագություն: Իր հրաշք գյուտի վրա ինժեներն աշխատել է 1 ամիս:

Նշենք, որ սա գյուտարարի առաջին հայտնագործությունը չէ: Ամիսներ առաջ նա ստեղծել էր ռեկորդային արագություն զարգացնող մանկասայլակ: