ԱՄՆ-ի նախագահ Բարաք Օբաման տեղափոխում է Գուանտանամո բանտի կալանավորներին
Աշխարհ
ԱՄՆ-ի նախագահ Բարաք Օբաման չեղյալ է հայտարարել իր կողմից ավելի վաղ հավանության արժանացած որոշումը` արգելել Գուանտանամո ռազմական բանտից կալանավորների տեղափոխությունը Եմեն: Ինչպես գրում է Associated Press-ը, այդ մասին հայտարարել է նախագահը՝ մայիսի 23-ին ելույթ ունենալով Վաշինգտոնի ազգային անվտանգության ինստիտուտում:
Գործակալությունը կապում է նախագահի որոշումը այն հանգամանքի հետ, որ Եմենի նախագահ Աբդ ալ Ռահման Մանսուր ալ Հադին իր վրա պատասխանատվություն է վերցրել ապահովել իր երկրի անվտանգությունը: Ըստ գործակալության` արգելքի չեղյալ հայտարարելը ևս մեկ քայլ է Գուանտանամո բանտի փակման ուղղությամբ, քանի որ այնտեղ գտնվող 166 կալանավորներից 100-ը Եմենի քաղաքացիներ են: Նրանց տեղափոխությունը Եմեն Օբաման արգելել էր 2010թ. հունվարին, այն բանից հետո, երբ Ալ Քաիդա եմենյան խմբավորման մահապարտը փորձել էր պայթեցնել ԱՄՆ թռիչք իրականացնող ավիաչվերթը:
Եմենի իշխանություններն արդեն իրենց հավանությունն են տվել Օբամայի այս որոշմանը և վստահեցրել, որ կհամագործակցեն ԱՄՆ-ի հետ ահաբեկչության մեջ մեղադրվող կալանավորներին նորմալ կյանքին վերադարձնելու հարցով:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
