Ռուս լեռնագնացը համաշխարհային ռեկորդ է սահմանել` ցատկելով Էվերեստի բարձունքից (տեսանյութ)

Ռուս լեռնագնաց էքստրեմալ, օդապարիկային թռիչքների աշխարհի կրկնակի չեմպիոն Վալերի Ռոզովը համաշխարհային ռեկորդ է սահմանել: Նա ցատկել է Էվերեստ լեռան բարձունքից` ավելի քան 7 հազար մետր բարձրության վրայից:

Իր նվաճումը ռուս մարզիկը նվիրել է աշխարհի ամենաբարձր լեռան` Էվերեստի գագաթի նվաճման 60-ամյակին: 60 տարի առաջ Էդմունդ Հիլարին և Տենցինգ Նորգեյը նվաճեցին ամենաբարձր այս գագաթը: Ցատկից առաջ ռուս մարզիկն իր թիմի հետ 3 շաբաթ անցկացրել էր Հիմալայներում մարզվելով: