Եվրոպայի մայրամուտը. Ինցեստի օրինականացման գործընթաց է սկսվել

Եվրոպայում շարունակում են ակտիվորեն քննարկել ինցեստի օրինականացման հնարավորությունները: Միասեռականների կողմից երեխաներ որդեգրելու իրավունքի հաստատումից հետո այս քայլը կարող է դառնալ Եվրոպայի այլասերման հերթական հանգուցակետը: Այս մասին գրում է times.am-ը:

Ինչպես տեղեկացնում է միջազգային մամուլը, Եվրոմիության քաղաքական գործիչները ԶԼՄ-ների միջոցով ինցեստը փորձում են ներկայացնել իբրև եվրոպական «գենդերային չափանիշ»: Շրջանառության մեջ է մտցվուոմ «Ինցեստոֆոբիա» հասկացությունը, որի կողմնակիցների նկատմամբ առաջարկում են պատժիչ գործողություններ կիրառել: Նշենք, որ «գենդերային չափանիշները» ենթադրում են մոր և որդու, հոր և դուստրի, եղբոր և քրոջ միջև սեռական հարաբերությունների թույլտվություն: Ներկայումս միասեռականները, կամ ինչպես նրանք նախընտրում են կոչվել՝ «նոր գենդերային հանրությունը», ինցեստի օրինականացման գաղափարը առաջ են տանում հատկապես Սկանդինավյան երկրներում: Այսպես, բոլորովին վերջերս Շվեյցարիայի խորհրդարանում տեղի են ունեցել համապատասխան քննարկումներ:

«Ինցեստոֆոբիան» դեմ ուղղված պայքարը վաղուց արդեն դարձել է եվրոպական լեյբորիստական մի շարք կուսակցությունների առաջնահերթություններից մեկը: Նրանց կարծիքով ինցեստի օրինականացումը կնպաստի երեխաների սեռական կրթություն տալուն և զերծ կպահի նրանց ինքնաբավարարման տարբեր գործողություններից:

Եվրոպական քաղաքակրթության «զարգացման» այսպիսի հեռանկարը արդեն իսկ լուրջ քննարկումների և դժգոհությունների թեմա է դարձել ոչ միայն հին աշխարհի, այլև հարակից երկրների հանրության շրջանում: Ակնհայտ է, որ ինցեստի օրինականացման հաջորդ քայլը մանկապղծությունն է: Սակայն մինչ հոգևոր և մշակութային գործիչներն ահազանգում են եվրոպացի քաղաքական գործիչների նախաձեռնությունների անբարոյականության մասին, ինցեստի գաղափարը տարբեր երկրներում ավելի ու ավելի խոր արմատներ է նետում՝ հերթական անգամ բացահայտելով ծայրահեղության հասած ազատությունների ողջ թշվառությունը: