ԱՄՆ-ի դատարանը Google-ին պարտադրել է օգտատերերի մասին տեղեկություններ տրամադրել հետաքննությունների դաշնային բյուրոյին

ԱՄՆ-ի դատարանը Google ընկերությանը պարտադրել է իր օգտատերերի մասին տեղեկություններ տրամադրել հետաքննությունների դաշնային բյուրոյին՝ առանց նախնական հրամանագրի. գրում է Associated Press-ը: Այդ մասին որոշումը կայացրել է ԱՄՆ-ի դաշնային դատարանը: 

Ավելի վաղ  Google-ի ներկայացուցիչները փորձում էին վիճարկել օգտատերերի մասին տեղեկություններ տրամադրելու վերաբերյալ բյուրոյի պահանջները: Խոսքը 19 հայցի մասին է, որոնք, ըստ Google-ի, հակասում են ԱՄՆ-ի սահմանադրությանը:

Ընդ որում, դատարանը իրավունք է տվել Google-ին վիճարկել առանձին հայցերից յուրաքանչյուրը, եթե ընկերության ներկայացուցիչները ֆորմալ խախտումներ գտնեն: Սակայն միաժամանակ դատարանը նշում է, որ ներկայացված 19 հայցից 17-ը ներկայացված են բոլոր կանոններին համապատասխան:

Ընկերության ներկայացուցիչներչը նշում են, որ պատրաստվում են վիճարկել դատարանի վճիռը: