Ասա` ես գեղեցիկ եմ. Բրազիլիայում գեղեցիկ կանանց ռեստորանում անվճար են սպասարկել (տեսանյութ)

Բրազիլիայում իտալական Spoletto ռեստորանների ցանցը ակցիա է կազմակերպել կանանց ինքնագնահատականը բարձրացնելու նպատակով:

«Գեղեցիկ կանայք չեն վճարում» խորագրով ակցիայի ընթացքում գեղեցիկ սեռի յուրաքանչյուր ներկայացուցչի ռեստորանի աշխատակիցները հարցրել են «Գեղեցի՞կ եք դուք», և եթե կնոջից դրական պատասխան են ստացել, ապա անվճար ընթրիք են տրամադրել նրան. գրում է Russia Today-ը:

Ակցիային մասնակցել են 500 կանայք Բրազիլիայի 200 ռեստորաններում, ինչից հետո սնունդից ստացվող ընկերության եկամուտները մեկ օրում աճել են 35%-ով: