Բացառիկ տեսանյութ. «թռչող ափսեն» մխրճվում է հրաբխի մեջ

Համացանցում տարածում է գտել նոր հիթ-տեսանյութ. մեքսիկական Televisa հեռուստաալիքը տարածել է մի տեսանյութ, որտեղ երևում է, թե ինչպես անհայտ թռչող օբյեկտները թռչելով ընկնում են Պոպոկատեպետլ հրաբխի խառնարանը: Տեսանյութում պարզ երևում է, թե ինչպես երեք լուսավոր կետեր պտտվում են խառնարանի շուրջը և անհետանում: Եվ սա առաջին անգամը չէ. վերջին մի քանի տարվա ընթացքում պրոֆեսիոնալ լրագրողները և պատահական վկաները ականատես են եղել, թե ինչպես տարբեր չճանաչված թռչող օբյեկտներ պտտվում են այդ գործող հրաբխի շուրջը:

Մեքսիկական ՉԹՕ մասնագետները հետաքրքրված են այդ փաստերով: Նրանք պնդում են, որ գործող հրաբխի կենտրոնը այլմոլորակայինների հանդիպման վայրն է:

2012թ.-ի հոկտեմբերին հրապարակվեց նմանատիպ մի տեսանյութ, որը նկարահանվել էր նույն տեղում և որը բազմաթիվ քննարկումների առիթ դարձավ: Տեղի հեռուստաընկերություններից մեկը, նկատելով ՉԹՕ, որը պտտվում է հրաբխի շուրջը, տեսագրում է այն HD որակով: Փորձագետների գնահատականով՝ ՉԹՕ-ն 1 կիլոմետր երկարություն և 200 մետր լայնություն ուներ: Հեռուստաընկերությունը հրապարակել է նաև ծավալուն վերլուծություն այդ թեմայով և բացառել է հնարավոր կեղծիքները:

Պոպոկատեպետլ հրաբուխը գտնվում է Մեքսիկայի մայրաքաղաքից 65 կիլոմետր հեռավորության վրա: Բազմիցս են զգուշացրել հրաբխի հնարավոր ժայթքման մասին, բայց վերջին անգամ այն լավա է արտանետել 1947թ.-ին: Մի քանի տարին մեկ լեռից ծուխ է բարձրանում, բայց դա բնակչությանը ոչ մի վնաս չի տալիս: Այս մասին գրում է GalaTV-ն: