Կրքերը թեժանում են. Կիպրոսում «գողական աշխարհի» ներկայացուցիչները «սխոդկա» են ունեցել

Ինչպես հայտնի է դարձել ռուսական «Прайм Крайм» գործակալությանը, հունիսի սկզբին Միջերկրածովյան կղզիներից մեկում գաղտնիության կանոնների խիստ պահպանմամբ կայացել է քրեական աշխարհի հեղինակությունների հավաք, որոնց կայացրած որոշումները մոտ ապագայում որոշիչ դեր կխաղան ողջ գողական աշխարհի համար:

Գործակալության տվյալներով` հանդիպումը, որին ներկա են գտնվել շուրջ 50 «օրենքով գողեր», կազմակերպել էր 44-ամյա հայազգի Էդուարդ Ասատրյանը, ով քրեական շրջանակներում հայտնի է «Ասետրինա» կամ Էդիկ Թբիլիսցի մականունով: Հավաքին մասնակցել են «օրենքով գողեր», ինչպես Մերաբ Ջանգվելիձեն, Վաժա Բիգանիշվիլին, Ռոբինզոն Արաբուլին և Գիվի Գորդելիձեն: Դեդ Հասանի կլանի ներկայացուցիչները հավաքին մասնակցելու հրավեր ստացել էին, սակայն հերթական անգամ անտեսել են այն: Դա այն պարագայում, երբ այդ կլանի տարբեր ներկայացուցիչների տարբեր արաքներն էին դարձել այս հավաքի հիմնական առիթն ու պարզաբանումների առարկան:

Մասնավորապես հանդիպմանը քննարկվել է 2011-ին Դեդ Հասանի կլանի կայացրած որոշումը` Բադրի Կոգուաշվիլիի գողական լիազորությունները դադարեցնելու վերաբերյալ: «Ժողովի» ակտուալ թեմաներից էր նաև վերջերս Մոսկվայում տեղի ունեցած միջադեպը եղբայրներ Էդուարդ և Սերգեյ Ասատրյանների մասնակցությամբ, որոնք խորամանկորեն կանչել էին գաղտնի հանդիպման և տեղը տեղին «պատժել»:

Բացի ներքին մի շարք պարզաբանումները` «գողական ժողովը» իր շարքերը նոր անդամներով համալրելու մի շարք որոշումներ է կայացրել: