Աշխարհահռչակ JWT ընկերությունը բացահայտում է «Տղամարդու կարգավիճակը»

Սույն զեկույցում ներկայացված է հասարակության մեջ և տանը տղամարդու դերի, վարքագծի և մտածելակերպի փոփոխությունների մասին ուսումնասիրությունը.

Հունիսի 10, 2013թ. Նյու Յորք.

Աշխարհահռչակ մարքեթինգային JWT ընկերությունը վերջերս հրապարակված իր զեկույցում ներկայացրել է ուսումնասիրություն «Տղամարդու կարգավիճակը» թեմայով, որտեղ շոշափվում են այնպիսի հարցեր, ինչպիսիք են, օրինակ, տղամարդկություն հասկացության բնորոշումը, տանը տղամարդու դերի փոփոխությունը և այլն:

Եթե տարիներ առաջ, տղամարդկություն ասելով, մարդիկ հասկանում էին առնականություն, ապա այսօր, ըստ JWT ընկերության տենդենցների ուսումնասիրության, ղեկավար Էնն Մեքի, գենդերային սովորույթները, կարծես թե, աղավաղվում են, և տղամարդիկ «տղամարդկություն» հասկացությանը տալիս են փոքր-ինչ տարբեր բնորոշում՝ վերջինիս հաղորդելով ավելի թեթև նրբերանգ:

Զեկույցում ուշադրություն է դարձվում նաև այն հանգամանքին, որ վերջերս տղամարդկանց շրջանում տնային գործերով և երեխայի դաստիարակությամբ զբաղվելու միտում է նկատվում: Ինչպես նշում է JWTIntelligence-ի խմբագիր Մարիան Բերելովիտցը, որը նաև ղեկավարել է զեկույցը գրելու գործընթացն ու վերլուծական աշխատանքները, տնային տնտեսությունը գենդերային տեսակետից դառնում է ավելի չեզոք, քանի որ տղամարդիկ ստանձնում են առավել ակտիվ դեր տանը և զբաղվում են տնային գործերով պարզապես անհրաժեշտությունից ելնելով:

«Տնային գործերի և երեխայի դաստիարակության հարցում հավասար պարտականությունները նոր սովորույթ է: Տղամարդիկ կանանց հետ դեռևս չեն կիսում տնային պարտականությունները, սակայն նրանց նույնպես մտահոգում է «աշխատանք-կյանք» հարաբերակցության մեջ ներդաշնակության հասնելու հարցը», - նշում է Մարիան Բերելովիտցը:

JWT ընկերության կողմից հրապարակված «Տղամարդու կարգավիճակը» զեկույցը քանակական, որակական և վիճակագրական հետազոտությունների արդյունք է, որն իրականացվել է JWTIntelligence-ի կողմից ամբողջ տարվա ընթացքում: Զեկույցի շրջանակներում JWTIntelligence-ը հարցում է անցկացրել ԱՄՆ-ի և Մեծ Բրիտանիայի 18+ տարիքային խմբի 1000 չափահասների շրջանում 2013 թվականի ապրիլի 29-ից մայիսի 2-ը՝ կիրառելով SONAR™ համակարգը, որը ներառում է առցանց մասնագետների խումբ: Զեկույցի իրականացման գործում իրենց ներդրումն են ունեցել նաև JWT ընկերության Պլանավորման և Կանխատեսման խմբի փորձագետները, ինչպես նաև JWT ընկերության ծրագրավորողներ աշխարհի այնպիսի երկրներից, ինչպիսիք են Արգենտինան, Կոլումբիան, Վենեսուելան, Ավստրալիան, Իսպանիան, Լեհաստանը և Թաիլանդը:

Հարցման արդյունքում պարզվել է, որ

• Հեշտ չէ լինել տղամարդ 2013 թվականին. ամերիկացի և բրիտանացի 10 տղամարդուց 7-ի կարծիքով իրենց սեռը հասարակության մեջ պակաս գերիշխող է դառնում: Իսկ 10 տղամարդուց 8-ը համոզված են, որ տղամարդկանց գործը նույնքան բարդ է, որքան կանանց գործը: Ավելին, տղամարդիկ ավելի հակված են ասել, որ ընդհանուր առմամբ կյանքն ավելի բարդ է, քան 30 տարի առաջ:

• Նա (տղամարդը) ասաց, նա (կինը) ասաց. Երբ խոսքը վերաբերում է տնային գործերին և երեխայի դաստիարակությանը, երկու սեռերի միջև ընկալումները տարբեր են: Այսպես, տղամարդկանց մի մասը գտնում է, որ իրենք են կրում պատասխանատվություն մթերքներ գնելու և ճաշ պատրաստելու հարցում, մինչդեռ 10 տոկոսից ավելի քիչ կանայք են հաստատում դա: Եվ մինչ կանանց ճնշող մեծամասնությունը համոզված է, որ երեխաների դաստիարակությունը հիմնականում իրենց վրա է դրված, տղամարդկանց ամենաքիչը 50 տոկոսը պնդում են, որ հենց իրենք են պատասխանատու երեխաների դաստիարակության և խնամքի համար:

• Տղամարդիկ շահագրգռված են, որ «ամեն ինչ լինի իրենց ձեռքում». աշխատանքի և ընտանիքի համադրումը երկու ծնողների խնդիրն է, այլ ոչ թե միայն կանանց խնդիրը: Ամերիկացի և բրիտանացի 10 տղամարդուց 8-ը համոզված է, որ կարիերայի և ընտանիքի համադրումը տղամարդկանց համար կարող է լինել նույնքան բարդ, որքան կանանց համար: Ավելին, 10 տղամարդուց 7-ի հավաստմամբ՝ կարիերայում հանուն ընտանիքի իրենք զոհողությունների են գնացել:

• Գեղեցիկ կազմվածք ունենալու համար պետք է գտնել ուղիներ և ունենալ ոգեշնչման աղբյուր. Ամերիկացի և բրիտանացի 10 տղամարդուց գրեթե 8-ը համաձայն են այն կարծիքի հետ, որ գեղեցիկ մարմին ունենալու ճնշումը տղամարդկանց վրա նույնքան շատ է, որքան կանանց վրա:

Զեկույցը տեղ է գտել www.jwtintelligence.com կայքում: Կայքում կարող եք գտնել նաև լրացուցիչ հետազոտական արդյունքներ այնպիսի ոլորտներում, ինչպիսիք են ճանապարհորդությունը, առողջությունը և երջանկությունը, սնունդը, ինչպես նաև JWT-ի 2013 թվականի 10 միտումները և շատ այլ հետաքրքիր տեղեկություններ:

JWT ընկերության մասին

JWT ընկերությունը հանդիսանում է աշխարհահռչակ մարքեթինգային հաղորդակցությունների բրենդ: Վերջինիս գլխամասային գրասենյակը տեղակայված է Նյու Յորքում, սակայն այն համաշխարհային ցանցային ընկերություն է, որն ունի ավելի քան 200 գրասենյակ աշխարհի 90-ից ավելի երկրներում, ինչպես նաև 10,000 մարքեթինգի ոլորտի աշխատակից: Հատկանշական է, որ JWT ընկերությունը աշխարհի լավագույն ցանցային գործակալությունների շրջանում, և ընդհանրապես, մարքեթինգային ոլորտում շարունակում է զբաղեցնել առաջատար դիրք:

Նշենք, որ JWT ընկերությունն առաջինն էր, որ 1939 թվականին ստեղծեց պատմության մեջ առաջին գովազդային հոլովակը, և այսօր այն զարգանալով դարձել է պատվավոր մրցանակներ նվաճած բրենդ: Ընկերությունը զարգացրել է ջերմ գործընկերային հարաբերություններ իր հաճախորդների հետ, որոնցից են, օրինակ, Bayer, Diageo, Ford, HSBC, Johnson & Johnson, Kellogg’s, Kimberly-Clark, Macy’s, Mondelez, Nestlé, Nokia, Rolex, Royal Caribbean, Schick, Shell, Unilever, Vodafone, Vonage և այլն: Առավել մանրամասն տեղեկությունների համար կարող եք այցելել www.jwt.com կայքը:

JWT ընկերության մաս է կազմում նաև JWTIntelligence կենտրոնը, որն աշխարհում օրեցօր ավելացող տեղեկատվության և շարունակական նորարարությունների քաոսում գտնում է որակ՝ ստեղծելով բազմաթիվ հնարավորություններ բրենդերի համար ամբողջ աշխարհով, որոնցից են, օրինակ, դեղագործական, կոսմետիկական, սնունդ արտադրող և այլ ապրանքանիշեր: Մանրամասն տեղեկությունների համար կարող եք այցելել www.jwtintelligence.com կայքը:

Զեկույցի հրապարակման համար պատասխանատու է ՀՀ-ում JWT ընկերության ներկայացուցիչ Prime Commercial ընկերությունը: