ԱՄՆ-ում անտառային հրդեհների պատճառով տարհանվել է 5 հազար բնակիչ

ԱՄՆ-ի Կոլորադո նահանգում բռնկված անտառային հրդեհների հետևանքով տարհանվել է ավելի քան 5 հազար բնակիչ, կրակն արդեն այրել է 5 հազար հեկտար հողատարածք, գրում է CNN-ը:

Հրդեհների հետևանքով այրվել են մի քանի տասնյակ բնակելի տներ: Զոհերի և վիրավորների մասին դեռևս տեղեկություններ չկան: Ուժգին քամու և չոր եղանակի ուղեկցությամբ արագ տարածվող հրդեհների պատճառով տարածքի բնակիչները լքել են իրենց բնակարանները: Հրշեջներն ապահովում են բնակչության անվտանգ տեղափոխությունը դեպի ապահով վայրեր: