Ռուսաստանը ներգաղթողներին կստիպի 30.000 ռուբլու պարտամուրհակ գնել

Ռուսաստանի Պետդումայի պատգամավորներն առաջարկել են առանց վիզա ՌԴ ներգաղթող անձանց պարտադրել 30 հազար ռուբլի արժողությամբ պարտամուրհակ գնել. տեղեկացնում է Коммерсантъ-ը:

Համապատասխան օրինագիծն արդեն պատրաստվել է, այն կդրվի Դումայի քննարկմանը փորձագետների կարծիքները լսելուց հետո: Օրինագծի հեղինակներն առաջարկում են ստեղծել հատուկ միգրացիոն պարտամուրհակ, որը կհաստատի ներգաղթյալների վճարունակությունը նրանց դեպորտի ժամանակ: Ռուսաստան մուտք գործելիս այդ մուրհակը կմարի: Օրինագծի հեղինակները կարծում են, որ դրա ընդունումը կնվազեցնի հանցագործությունների քանակը և գումարներ կբերի պետբյուջե:

Ըստ պատգամավորների տվյալների` 2011-ին Ռուսաստանից դեպորտի է ենթարկվել 28 հազար, իսկ 2012-ին` 35 հազար մարդ: Ամեն ներգաղթյալի դեպորտը պետությանը արժենում է 30-40 հազար ռուբլի: