ԱՄՆ-ում մշակել են մուսուլմաններին սպանող փամփուշտներ, որոնցից հետո նրանք դրախտ չեն ընկնում

ԱՄՆ-ի Այդահո նահանգում մշակել են սպառազինությունների հատուկ գիծ, որոնք ահազդու զենք պիտի դառնան արմատական իսլամիստ ահաբեկիչների դեմ պայքարում, ովքեր անհավատների դեմ մղած ջիհադի շնորհիվ ձգտում են հայտնվել դրախտում: South Fork Industries ընկերությունը վաճառքի է հանել խոզի միս պարունկող ներկով պատված հատուկ փամփուշտներ, որոնցով մուսուլմաններին սպանելուց հետո կխանգարեն դրախտում հայտնվելու նրանց պլաններին, քանի որ իսլամում խոզի միսը հարամ` արգելված է համարվում: Եթե նման փամփուշտը հայտնվի մուսուլմանի մարմնում, ապա կպղծի նրան և չի թողնի դրախտ ընկնել: Ընկերության գովազդի հիմնական կարգախոսն է` «Խաղաղություն խոզի մսով»: Նման փամփուշտի մեկ տուփն արժի 20 դոլար: ABC News-ը գրում է, որ ընկերության տարածած մամլո հաղորդագրությունից պարզ է դառնում, որ իրենց նպատակ ունեն նման փամփուշտներով ոչ միայն սպանել մուսուլման ահաբեկիչներին, այլև դժոխք ուղարկել: Նշենք, որ իսլամը վստահեցնում է, որ բարեպաշտ մուսուլմանի համար, ով սպանվում է անհավատների դեմ մղվող ջիհադում, անմիջապես բացվում են դրախտի դռները, ուր նրանց սպասում է 72 կույս: 

Սակայն փորձագետները կասկածում են, որ նոր փամփուշտներով հնարավոր կլինի հասնել ցանկալի արդյունքի և ստիպել արմատականներին փոխել իրենց վերաբերմունքը, քանի որ Ղուրանում պատիժ սահմանված չէ խոզի մսի պատահական, ոչ գիտակցված օգտագործման համար: Դա բավարար պատճառ չէ դրախտից վտարվելու համար: Ղուրանի որոշ մեկնաբաններ նույնիսկ կարծում են, որ խոզի միս կարելի է ուտել այն հատուկ դեպքերում, եթե այլընտարանքը սովից մահանալն է: