Գիտնականներն առաջարկում են ճարպակալման դեմ պայքարել ֆասթֆուդի գների թանկացումով

Աշխարհում ճարպակալման ահագնացող համաճարակի դեմ պայքարելու համար ամերիկյան գիտնականները առաջարկել են վերանայել ֆասթֆուդի գները. գրում է Podrobnosti-ն: Գիտնականներ Մայքլ Գրոսմանն ու Ռոյ Վադան իրենց հետազոտություններում նշում են, թե ինչպես է սննդամթերքի գինը ազդում ավելորդ քաշի վիճակագրության վրա:

Հետազոտություններում համեմատվել են սննդամթերքի գների աճն ու դրան զուգահեռ ճարպակալման տարածումը՝ սկսած 1968-ից:   

Վերլուծությունները ցույց են տվել, որ արագ սննդի հաստատություններում գների նվազեցումը 10%-ով հանգեցնում է տղամարդկանց մոտ 17%-ով ճարպակալման աճի, իսկ 8%-ով էլ՝ կանանց մոտ: Միաժամանակ, եթե յուղոտ սննդի գները աճում են նման հաստատություններում, ապա դեռահասների մոտ դանդաղում է ճարպակալման աճը: Բացի այդ, ճարպակալման տարածումը անմիջականորեն կախված է մրգի և բանջարեղենի գներից: