ՄԱԿ-ը Վատիկանից պահանջում է հաշվետվություն ներկայացնել մանկապիղծ հոգևորականների մասին

Երեխաների իրավունքների պաշտպանության հարցերով ՄԱԿ-ի հանձնաժողովը Վատիկանից պահանջել է հաշվետվություն ներկայացնել հոգևորականության կողմից անչափահաս երեխաների նկատմամբ հանցագործություններ իրականացնելու դեպքերի վերաբերյալ: 

Փորձագիտական հանձնաժողովը նաև պահանջել է Վատիկանից ճշտել, թե որ դեպքերում է եկեղեցական իշխանությունը թաքցրել մանկապիղծ հոգևորականների հանցագործությունները: Վատիկանից նաև պահանջում են նշել, թե ինչ միջոցներ են ձեռնարկվել երեխաներին մանկապիղծ հոգևորականներից պաշտպանելու հարցում, և ինչ չափի փոխհատուցումներ են հատկացվել այն ընտանիքներին, որոնց երեխաները նման հանցագործությունների զոհ են դարձել: 

Վատիկանը ՄԱԿ-ի անդամ չի հանդիսանում, սակայն պարտավոր է յուրաքանրյուր 5 տարին մեկ հաշվետու լինել այդ կազմակերպությանը՝ երեխաների իրավունքների կոնվեկցիայի պահպանման հարցի շուրջ: Սակայն, ինչպես հաղորդում է The Daily Telegraph-ը, վերջին ավելի քան 10 տարիների ընթացքում Սուրբ Աթոռը հրաժարվում է դա անել: