Եվրոպան և Հյուսիսային Ամերիկան՝ ծանր տրոպիակական ամռան տակ

Եվրոպան և Հյուսիսային Ամերիկան հայտնվել են ծանր տրոպիկական ամռան ազդեցության տակ: Արդեն մեկ շաբաթից ավել է, ինչ Ատլանտյան օվկիանոսի 2 կողմում օդի ջերմաստիճանը 30 աստիճանից բարձր է: Մեծ Բրիտանիայում շոգ եղանականային պայմաններն արդեն 800 մարդու կյանք են խլել: Հատկապես ծանր են տանում շոգը ֆրանսիացիները, իսպանացիներն ու ԱՄՆ-ի Արևելյան ափերի բնակիչները. գրում է Vesti-ն:
Վաշինգտոնի փողոցներում չափազանց շոգ է: Հազարավոր մարդիկ հոսպիտալացվել են արևահարման հետևանքով: Բժիշկները խորհուրդ են տալիս խուսափել փողոց դուրս գալուց:

Բժիշկները նշում են, որ արևահարման պատճառն այն է, որ մարդիկ թերագնահատում են շոգ եղանակի վտանգը: Մահացողների հիմնական մասը տարեց մարդիկ են, ովքեր տառապում են սրտանոթային հիվանդություններից. նշում են նրանք: