Ջուլիան Ասանժը ստեղծել է Wikileaks կուսակցություն՝ խորհրդարանական ընտրություններին մասնակցելու համար

Ջուլիան Ասանժը հիմնադրել է Wikileaks կուսակցությունը, որպեսզի մասնակցի Ավստրալիայում խորհրդարանական ընտրություններին. հայտնում է FOX News-ը: 

Գաղտնի փաստաթղթեր հրապարակած Wikileaks կայքի հիմնադիր Ասանժը ցանկություն է հայտնել 7 մանդատ ստանալ իր կուսակցության համար Ավստրալիայի խորհրդարանի վերին պալատում:

Նրա խոսքերով՝ դա կնշանակի սենատում աշխատանքի վերցնել լավագույն լրագրողներին, ովքեր զբաղվում են անկախ հետաքննությամբ:

«Մենք չենք ընդունելու օրենքներ կամ կառավարական ծրագրեր, որոնք հիմնված կլինեն ոչ ճշգրիտ, ամբողջովին չհրապարակված ու ոչ ադեկվատ տեղեկությունների հիման վրա»,-ասել է Ասանժը: