Հյուսիսկորեական առաջին սմարթֆոնը
Աշխարհ
Կորեայի Ժողովրդա-դեմոկրատական Հանրապետության առաջնորդ Կիմ Չեն Ընին ներկայացրել են հյուսիսկորեական արտադրության առաջին սմարթֆոնը, գրում է Կորեայի կենտրոնական հեռագրային գործակալությունը:
Սմարթֆոնի տեխնիկական բնութագրիչների մասին ոչինչ չի հաղորդվում: Նշվում է, որ այն արդեն վաճառքի է հանվել, սակայն հայտնի չէ, թե կոնկրետ որտեղից կարելի է այն ձեռք բերել և ինչ արժե: Սարքը կրում է «Արիրան» անվանումը` ի պատիվ կորեական ժողովրդական երգի, որն ընդգրկված է ՅՈՒՆԵՍԿՕ-ի ոչ նյութական մշակութային ժառանգության ցանկում:
Ցուցադրված լուսանկարներից երևում է, որ հյուսիսկորեական սմարթֆոնն աշխատում է Android 4.0-ի հիմքի վրա, իսկ նրա դիզայնն առանձնապես չի տարբերվում ստանդարտ սմարթֆոններից:
Նշենք, որ Հյուսիսային Կորեայում բնակվող 24.5 մլն բնակիչներից բջջային հեռախոս է օգտագործում շուրջ 2 մլն մարդ. նրանք կարող են տեղական զանգեր և հաղորդագրություններ ստանալ: Միջազգային զանգերն արգելափակված են ԿԺԴՀ բնակիչների համար:
ՈՒՂԻՂ ԵԹԵՐ
Ամենադիտված 
ՆԳՆ-ն ողբերգական վթարի մանրամասներ է հայտնում
