Հաքերները կոտրել են Դալայ Լամայի պաշտոնական կայքը

Հաքերները հարձակում են գործել Դալայ Լամայի չիներեն լեզվով գործող կայքի վրա։ Դրա միջոցով համակարգչային վիրուսներ են ուղարկել կայքի այցելուներին, գրում է Reuters-ը` հղում կատարելով հակավիրուսային Kaspersky Lab արտադրողին:

Հարձակումը տեղի է ունեցել նախօրեին: Այս կապակցությամբ Kaspersky Lab-ի ներկայացուցիչները խորհուրդ են տալիս խուսափել չիներենով գործող Դալայ Լամայի կայքն այցելելուց՝ մինչև անսարքությունները կկարգավորվեն: 

Ընկերության տեղեկություններով` չարագործների նպատակն ամենայն հավանականությամբ ակտիվիստներն են, ովքեր պայքարում են մարդու իրավունքների համար և շատ հաճախ են մտնում այդ կայքը:

Դալայ Լամայից դեռևս ոչ մի մեկնաբանություն չի հնչել այդ կապակցությամբ: