Լիբանանում ձերբակալել են 2 թուրք օդաչուների առևանգիչներին

Լիբանանի ոստիկանությունը օգոստոսի 17-ին ձերբակալել է Turkish Airlines ավիաընկերության 2 թուրք օդաչուներին առևանգած անձանց. գրում է Agence France-Presse-ը` հղում կատարելով իրավապահ մարմինների իր աղբյուրներին:

Ձերբակալվածների անունները չեն հաղորդվում:

Հիշեցնենք, որ Turkish Airlines-ի 2 օդաչուները առևանգվել էին օգոստոսի 9-ին` Լիբանանում: Նրանց առևանգել էին Բեյրութի օդանավակայանից հյուրանոց տանող ավտոբուսի մեջից: Ավտոբոսում եղել են նաև այլ անձինք, սակայն գրոհայինները այդուհանդերձ նրանց անվնաս են թողել:

Կատարվածի պատասխանատվությունն իր վրա էր վերցրել «Զուար ալ Իմամ Ռիդա» լիբանանյան խմբավորումը, որը պահանջել էր Թուրքիայից գործի դնել իր` սիրիացի գրոհայինների հետ կապերը  և ազատ արձակել 2012 թ. Սիրիայում ուխտագնացության ժամանակ գերեվարված շիաներին: