Գերմանիայի ռեստորանում փոխհրաձգությունից 2 մարդ է զոհվել

Գերմանիայի Դոսսենհայմ քաղաքում տղամարդը կրակ է արձակել մարզային ակումբի ռեստորանում, որի արդյունքում զոհվել է 2 մարդ, 5-ը վիրավորվել են: Նրանց վիճակը գնահատվում է ծանր, տեղեկացնում է Deutsche Welle-ն:

Ոստիկանության տվյալներով` ռեստորանում տեղի էր ունենում Անշարժ գույքի միության տնօրենների հանդիպումը, որը վերածվել էր ծեծկռտուքի:

Մասնակիցներից մեկը կրակ էր բաց թողել հավաքվածների ուղղությամբ: Սպանության դրդապատճառները դեռևս հայտնի չեն: Զոհերի անունները ևս չեն հրապարակվում: