Հնդկաստանում 22-ամյա լրագրողուհին խմբակային բռանաբարության է ենթարկվել

Հնդկաստանի Մումբայ քաղաքում խմբակային բռնաբարության է ենթարկվել 22-ամյա լրագրողուհի: Աղջկան իր ընկերոջ հետ քարշ են տվել լքված մի շինություն, տղային՝ ծեծել, աղջկան՝ բռնաբարել: Ինչպես հաղորդում է ITAR-TASS-ը, դեպքի առթիվ ձերբակալվել է 20 կասկածյալ, կազմվել են հանցագործների ֆոտոռոբոտները:

Լրագրողուհուն ծայրահեղ ծանր վիճակում տեղափոխել են հիվանդանոց: Դեպքը տեղի է ունեցել օգոստոսի 23-ին:

Հնդկաստանում բռնաբարությունների հարցը հասարակության մեջ մեծ հնչեղություն ստացավ անցյալ տարվա դեկտեմբերին 23-ամյա ուսանողուհու խմբակային բռնաբարությունից հետո, ինչի պատճառով աղջիկը մահացավ: Այժմ Հնդկաստանում բռնաբարության համար առավելագույն պատիժը մահապատիժն է: