ԱՄՆ-ն կպատերազմի 60 օր

Այսօր ԱՄՆ-ում տեղի ունեցած առաջին բաց հանդիպմանը քննարկվել է Սիրիային հասցվելիք հարվածի հարցը: Զեկուցողների հիմնական նպատակը շատ կողմնակիցներ ձեռք բերելն է, իսկ զեկուցումների առանցքը` իբրև թե, կիրառված քիմիական զենքի հետևանքով սպանվածներին վերաբերող տեսանյութերը. գրում է Vetsi.ru-ն:

Քննարկման ընթացքում ԱՄՆ փոխքարտուղար Ջոն Քերրին հայտարարել է. «Սիրիան ո՛չ Իրաք է, ո՛չ` Աֆղանստան: Ամերիկացի զինվորի ոտքը չի դրվի այդ հողի վրա»:

Ավելի մանրամասնելով նախագահ Օբամայի մտադրությունը` Քերրին նշել է, որ Օբաման թույլտվություն է խնդրում ոչ թե պատերազմելու համար, այլ` Ասադի կողմից քիմիական զենքի կիրառման հնարավորությունները կրճատելու:

Ընդունվելիք որոշման մեջ նշվել է պատերազմական գործողությունների ժամկետը` 60 օր` 30 օրվա հնարավոր հավելմամբ: Սրահում հավաքված խաղաղասերներն ընթացքում հասցրել են բացականչել և իրենց բողոքի ձայնը բարձրացնել ընդդեմ կայացվելիք որոշման: Վերջիններիս խոսքերով` «Томагавк» տեսակի զենքով այլ երկրի հրթիռակոծումը ոչ այլ ինչ է, քան պատերազմ: Բացականչություններից հետո խաղաղասերներին բավական կոպտորեն հեռացրել են սրահից:

Նկատենք, որ վերին և ստորին պալատներում ձայների բաշխման նմանօրինակ պատկեր կարող է գրանցվել. վերին պալատում բավարար կլինի 51 ձայնը. դեմոկրատները, որոնք հակված են օժանդակել նախագահին, ունեն 52 ձայն: Ստորին պալատում խնդիրն ավելի բարդ է. նվազագույնը անհրաժեշտ կլինի 218 ձայն, որից, հավանական է, տրվի 200-ը: Ըստ որում, 193 կոնգրեսական հայտարարել է, որ հստակ որոշում դեռ չի կայացրել: Անկախ բոլոր հանգամանքներից` ժամ առ ժամ ավելի պարզ է դառնում, որ Կոնգրեսն աջակցելու է ԱՄՆ նախագահ Օբամային` պատերազմելու ասադական ռեժիմի դեմ: