Կոնգրեսականները չե՞ն սատարի Օբամային

ԱՄՆ կոնգրեսականների մեծամասնությունը պատրաստ չէ օժանդակել Օբամային` քվեարկելով հօգուտ Սիրիայում պատերազմ սկսելու որոշման:

Ինչպես հայտնում է ամերիկյան «Politico» թերթը, կոնգրեսականներից շատերը հայտնում են, որ չեն քվեարկելու հօգուտ հիշատակված որոշման: Այսպիսի հայտարարությունները, սակայն, արվում են անանուն: Նախնական հարցումները ցույց են տվել, որ Օբամայի առաջարկին այսօր պատրաստ է ձայն տալ ոչ ավել, քան 30 կոնգրեսական, այնինչ` Սենատում և Ներկայացուցիչների պալատում քվեարկողների ընդհանուր թիվը 535 է: Վերլուծաբանները չեն բացառում նաև դեպքերի հակառակ ընթացքը. հաղորդում է «Vesti.ru»-ն` հղում տալով «Россия 24» հեռուստաընկերությանը: