Վրաստանի ԿԸՀ-ն պաշտոնապես գրանցել է նախագահի 6 թեկնածուի

Վրաստանի կենտրոնական ընտրական հանձնաժողովը նախագահական ընտրություններում մասնակցելու համար պաշտոնապես գրանցել է 6 թեկնածուի:

Վրաստանի նախագահական ընտրությունները նշանակված են հոկտեմբերի 27-ին. հայտնում է Грузия Online-ը:

Ընդհանուր առմամբ` Վրաստանի ԿԸՀ-ն ստացել է 54 դիմում: Քաղաքական կուսակցությունների կողմից առաջադրվել է 12 թեկնածու, մնացած թեկնածուներն առաջադրվել են նախաձեռնող խմբերի կողմից:

Նախագահի թեկնածուների գրանցումը կավարտվի սեպտեմբերի 17-ին: Մինչ այդ բոլոր թեկնածուները պետք է ներկայացնեն իրենց կողմնակիցների 26 350 ստորագրություն:

Ընտրական օրենսդրությունը թույլ է տալիս թեկնածուներին հանել իրենց թեկնածությունը հոկտեմբերի 17-ից ոչ ուշ: