Հարավային Կորեայի քաղաքացին փախել է ԿԺԴՀ-ից 41 տարվա գերությունից հետո
Աշխարհ
Հարավային Կորեայի 68-ամյա քաղաքացին, որին 1972-ին ԿԺԴՀ իշխանությունները գերի էին վերցրել, կարողացել է փախչել և վերադառնալ հայրենիք: Չոն Վուկ Պխեն փախել է ճամբարից դեռ օգոստոսին, բայց սահմանն անցել է միայն սեպտեմբերին: Այդ տեղեկությունը պաշտոնապես հաստատել են հարավկորեական իշխանությունները. հայտնում է ABC News-ը:
Չոն Վուկ Պխեն գերի էր ընկել իր 24 ընկեր-ձկնորսների հետ: Դեպքը տեղի էր ունեցել ավելի քան 40 տարի առաջ Դեղին ծովում: Հարավային Կորեայի իշխանություններն այդ փախուստի և ոչ մի մանրամասն չեն փոխանցում: Հայտնի է միայն այն, որ նախկին գերին առողջ է և հաջողությամբ հասել է Սեուլ:
Հարավ-կորեական իշխանությունների տվյալներով` 1953-ի Կորեական պատերազմի ավարտից ի վեր` ԿԺԴՀ-ն փախցրել է Կորեայի Հանրապետության մոտ 500 քաղաքացի, որոնց մեծ մասը ձկնորս էին: Հյուսիսային Կորեայում այդ մեղադրանքները հերքում են: Ըստ նրա վարկածի` բոլոր այդ մարդիկ իրենց ցանկությամբ են մնում ԿԺԴՀ-ում:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
