ԿԺԴՀ և Հարավային Կորեայի համատեղ արդյունաբերական գոտին Կեսոնում վերսկսել է իր աշխատանքը
Աշխարհ
ԿԺԴՀ և Հարավային Կորեայի համատեղ արդյունաբերական գոտին Կեսոնում վերսկսել է իր աշխատանքը. գրում է Gazeta.ru-ն՝ հղում կատարելով The New York Times-ին:
Հվ. Կորեայի մոտ 800 բնակիչ վերադարձել են իրենց աշխատանքին Կեսոնում, որպեսզի միանան հյուսիսկորեական աշխատակիցներին և վեցամսյա պարապուրդից հետո փորձարկեն հոսքագծերը:
ԿԺԴՀ եւ Հարավային Կորեայի համալիրի բացման մանրամասները վերջնականապես համաձայնեցվել էին սեպտեմբերի 11-ին: Փհենյանը երաշխավորել էր, որ Կեսոնի աշխատանքը նորից չի դադարեցվի ԿԺԴՀ միակողմանի որոշման պատճառով: Բացի դրանից, ԿԺԴՀ իշխանությունները հեշտացրել են Հարավային Կորեայի քաղաքացիների մուտքի եւ ելքի գործընթացը եւ համաձայնվել են համատեղ հանձնաժողով ձեւավորել` համալիրի գործունեության կառավարման համար:
Կեսոնի արդյունաբերական համալիրը փակվել էր ապրիլի կեսին` ԿԺԴՀ նախաձեռնությամբ: Դրան նախորդել էր Հյուսիսային և Հարավային Կորեաների միջև հարաբերությունների զգալի լարվածությունը: Կեսոնի համալիրն առաջին անգամ իր աշխատանքը սկսել էր 2004-ին: Այն ԿԺԴՀ 55 հազար քաղաքացիների համար աշխատատեղ է բացում, ինչպես նաև երկրի համար շահույթի հիմնական աղբյուրն է:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
