100 տարեկանում մահացել է Toyota-ի հիմնադիրը

Այսօր Ճապոնիայում սրտային անբավարարությունից մահացել է Էյձի Տոյոդան, ով երկար տարիներ գլխավորել է ճապոնական հայտնի ավտոարտադրող Toyota-ն. գրում է gazeta.ru-ն՝ վկայակոչելով The Washington Post-ը:

Էյձի Տոյոդան ավարտել է Տոկիոյի համալսարանը` ավտոշինարարության ոլորտում որակավորմամբ, և 1936 թվականին միացել է Toyota Automatic Loom Works-ին: Տոյոդայի վերահսկողության ներքո է ստեղծել ամբողջովին ճապոնական արտադրության առաջին մարդատար մեքենան` Crown-ը:

1937 թվականին միացյալ խմբի շրջանակում ստեղծվել է ատոմեքենաշինական ընկերությունը, որտեղ առաջին իսկ օրից աշխատել է Էյձին:

Նրա վերահսկողության ներքո է մշակվել առաջին՝ ամբողջովին ճապոնական Crown թեթև մեքենան: Էյձին հասել է պատմական բեկման. 1957 թվականին ընկերության մեքենաները սկսել են արտահանվել ու վաճառվել ԱՄՆ-ում:

1967–1982թթ. Էյձին եղել է ընկերության նախագահը: Նրա նախագահության տարիներին ընկերությունը վերածվել էր համաշխարհային մասշտաբի ավտոարտադրողի: Հետագայում նա շարունակում էր աշխատել որպես ընկերության խորհրդատու: 

Սեպտեմբերի 12-ին նա դարձել է 100 տարեկան: