Վենեսուելայում զուգարանի թուղթը դարձել է դեֆիցիտ

Վենեսուելայի իշխանությունը ժամանակավորապես ազգայնացրել է զուգարանի թղթի արտադրությամբ զբաղվող գործարանը՝ երկրում այդ ապրանքատեսակի դեֆիցիտի հետ կապված:

Գործարանի տարածքը շրջապատած ազգային գվարդիային հանձնարարվել է վերահսկել զուգարանի թղթի արտադրությունն ու մատակարարումը:

Երկրում նկատվում է առաջին անհրաժեշտության ապրանքների պակաս, ընդդիմությունը ստեղծված իրավիճակում մեղադրում է երկրի իշխանություններին:

Անցյալ շաբաթ Վենեսուելայի նախագահ Նիկոլաս Մադուրոն հատուկ հանձնաժողով է ստեղծել այդ խնդիրը լուծելու համար: