Բուշհերի ատոմակայանը վաղը կհանձնվի Իրանի տնօրինությանը

Սեպտեմբերի 23-ին ռուս մասնագետներն Իրանի տնօրինությանը կհանձնեն Բուշհերի ատոմային էլեկտրակայանի առաջին բլոկի շահագործումը: Այս մասին հայտարարել է Իրանի արտգործնախարար Ալի Աքբար Սալեհին. գրում է Интерфакс-ը: 

Բուշհերի ատոմակայանի առաջին էներգիաբլոկը հարյուրտոկոսանոց հզորության (1000 մեգավատ) էր բերվել 2012-ի օգոստոսի վերջին, իսկ շահագործման էր հանձնվել 2013-ի հունիսին: Սալեհին իր հայտարարության մեջ ընդգծել է, որ ռուսները շարունակելու են աշխատել Բուշհերում ևս 2 տարի: