Իրանը «Վեցնյակի» հետ կփորձի համաձայնության գալ 1 տարվա ընթացքում
Իրան
Իրանն ու միջազգային միջնորդների «Վեցնյակը» միասնական կարծիքի են եկել 1 տարվա ընթացքում Թեհրանի հետ միջուկային ծրագրի շուրջ կոնկրետ համաձայնություններ ձեռք բերելու հարցում: Այս մասին լրագրողներին հայտարարել է Իրանի Իսլամական Հանրապետության արտգործնախարար Մուհամմեդ Ջավադ Զարիֆը հինգշաբթի օրը ՄԱԿ-ի կենտրոնական գրասենյակում «Վեցնյակի» հետ ունեցած հանդիպման արդյունքում. գրում է ИТАР-ТАСС-ը:
«Մենք համաձայնության ենք եկել` սկսել գործընթացը ամենակարճ ժամկետներում», նշել է Զարիֆը: Նրա խոսքերով` հույս կա, որ վերջնական արդյունքերը կգրանցվեն 1 տարվա ընթացքում:
Միջազգային «Վեցնյակի» (ՄԱԿ-ի ԱԽ-ի մշտական 5 անդամներն ու Գերմանիան) հետ Իրանի բանակցությունների նպատակը պետք է դառնա ներկայումս Իրանի հանդեպ գործող պատժամիջոցների լիակատար վերացումը. հայտարարել է նախարարը:
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
