Իրանի նախագահի վրա քարեր և ձվեր են նետել` Օբամայի հետ բանակցելու պատճառով

Իրանցի պահպանողականները Նյու Յորքից Թեհրան վերադարձած նախագահ Հասան Ռոհանիի վրա ձվեր և կոշիկներ են նետել` նման կերպով իրենց բողոքն արտահայտելով ԱՄՆ-ի նախագահ Բարաք Օբամայի հետ հեռախոսային բանակցությունների նկատմամբ. Թվիթերի իր էջում գրել է The New York Times-ի գլխավոր խմագիրը:

Թեհրանի «Մեհրաբադ» միջազգային օդանավակայանում Ռոհանիին, ով վերադառնում էր Նյու Յորքում ՄԱԿ-ի Գլխավոր ասամբլեայի 68-րդ նստաշրջանից, դիմավորելու են եկել ինչպես նրա համախոհները, այնպես էլ ընդդիմադիրները: Նախագահի ավտոշարասյան ուղղությամբ քարեր և ձվեր են նետել: Մայրաքաղաք ժամանելուց հետո երկրի նախագահի վրա հարձակվել են մի խումբ պահպանողականներ և կոշիկներ նետել նրա ուղղությամբ: Նախագահի թիկնապահներն անձրևանոցով փակել են Ռոհանիին, իսկ այնուհետև շտապ մեքենա նստեցրել և հեռացրել դեպքի վայրից: 

Հիշեցնենք, որ սեպտեմբերի 27-ին ԱՄՆ-ի նախագահ Բարաք Օբամայի և Իրանի նախագահ Հասան Ռոհանիի միջև 1979-ից ի վեր առաջին հեռախոսազրույցն էր ընթացել: