Չինաստանի ափերին մոլեգնած թայֆունի հետևանքով 74 ձկնորս անհետ կորել է

Հարավչինական ծովում Wutip թայֆունի ժամանակ 3 ձկնորսական նավ է խորտակվել, որի արդյունքում անհետ կորել է 74 մարդ. տեղեկացնում է CNN-ը: 

Փրկարարներին հաջողվել է գտնել 14 ձկնորսի: Նավերը խորտակվել էին դեռևս կիրակի օրը Չինաստանի մայրցամաքային ջրերից 330 կմ հեռավորության վրա: 

Ակնկալվում է, որ Wutip թայֆունը երկուշաբթի օրը կհասնի Վիետնամի ափերին: Վտանգի գոտում գտնվող 70.000 բնակիչ արդեն տարհանվել է: Երեքշաբթի օրը թայֆունը կարող է հասնել Թաիլանդ. տեղեկացնում է Agence France-Presse-ը: