Վրաստանի ափերի մոտ ռուս կապիտանի ղեկավարած նավ է կանգնեցվել

Վրաստանի Բաթումի նավահանգստային քաղաքի ափամերձ հատվածում վրացական կողմը կանգնեցրել է Կամբոջայի դրոշի ներքո ճանապարհորդող «Էռնա» բեռնատար նավը. գրում է Trend-ը` հղում կատարելով Վրաստանի սահմանապահ ոստիկանությանը: Վրացական կողմի տվյալների համաձայն` նավը  կանգնեցվել է ծովը աղտոտելու փաստի կապակցությամբ: 

Ռուսաստանի քաղաքացիություն ունեցող նավի կապիտանին 29 հազար եվրո տուգանք են նշանակել: Բացի այդ, նրան ստիպել են փոխհատուցել շրջակա միջավայրին հասցրած վնասը 1.5 հազար եվրոյի չափով: