Ամերիկացի սենատորը կանխատեսում է Սաակաշվիլիի ձերբակալությունը
Վրաստան
Ամերիկացի սենատոր Ջոն Մաքքեյնը կարծում է, որ Վրաստանում նախագահական ընտրություններից հետո ձերբակալությունների ալիք կբարձրանա, որոնց թվում կհայտնվի նաև ներկայիս նախագահ Միխայիլ Սաակաշվիլին. տեղեկացնում է Geotimes.ge-ն: Ինչպես ասել է սենատորը «Ամերիկայի ձայնի» ռուսական ծառայությանը տված հարցազրույցում, վարչապետ Բիձինա Իվանիշվիլիին մեղադրում են ռուսամետ տրամադրությունների մեջ:
«Անցյալ տարի Վրաստանում կայացած խորհրդարանական ընտրությունները ազատ և թափանցիկ անցան: Նոր վարչապետ դարձած Իվանիշվիլիին մեղադրեցին ռուսամետ տրամադրությունների մեջ: Ուստի տագնապներ կան, որ Սաակաշվիլիի` պաշտոնից հեռանալուց հետո երկրում ձերբակալությունների ալիք կբարձրանա: Հնարավոր է, որ հենց Սաակաշվիլիին էլ ձերբակալեն: Սակայն անցումային կառավարությունը չի կարող նման ճանապարհով գնալ: Միաժամանակ, պետք է նշել, որ վարչապետ Իվանիշվիլին գլուխ է հանում տնտեսությունից և շարունակում է ձգտել առավել մոտ գտնվել ԵՄ-ին»,-ասել է սենատորը և հավելել, որ իրենց ամենաշատն անհանգստացնում է Ռուսաստանի ռազմական հզորությունը և Աբխազիայի ու Հարավային Օսիայի բնակիչներին Ռուսաստանի քաղաքացի դարձնելու փորձերը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
