Հնդկաստանում սաստիկ փոթորկի սպառնալիքի պատճառով 400 հազար մարդ է տարհանվել

Հնդկաստանի իշխանությունները հայտարարել են տագնապի «կարմիր» աստիճանի մակարդակ և շուրջ 400 հազար բնակիչների են տարհանել երկրի արևելյան ափերին մոլեգնած սաստիկ փոթորկի պատճառով. հայտնում է Reuters-ը:

Ակնկալվում է, որ «Ֆայլին» անունը կրող ցիկլոնը վրա կհասնի Հնդկաստանին հոկտեմբերի 12-ին: Օդերևութաբանների կանխատեսումներով՝ նրա արագությունը հասնելու է ժամում 240 կմ: Օդերևութաբանները սպառնացող փոթորկի վտանգը գնահատում են 5 բալանոց սանդղակի 4-րդ աստիճանով :

«Ֆայլինը» կարող է դառնալ վերջին 14 տարիների ամենասաստիկ փոթորիկը Հնդկաստանում:

1999-ին գրանցված վերջին նման փոթորիկը խլել էր 10 հազար մարդու կյանք: