Մոսկվայում զանգվածային անկարգություններից տուժել է 23 մարդ, կա 400 ձերբակալված

Նախօրեի գիշերը ՌԴ մայրաքաղաք Մոսկվայի Բիրյուլևո շրջանում բռնկված անկարգությունների հետևանքով վիրավորվել է 23 մարդ, այդ թվում` 8 ոստիկան. հայտնել են ՌԴ առողջապահության նախարարությունից, գրում է Интерфакс-ը: 

Վիրավորներից 8-ը տարբեր աստիճանի մարմնական վնասվածքներով հոսպիտալացվել են: 

Մոսկվայի հարավային շրջանում գտնվող այս թաղամասում կիրակի գիշերը անհայտ անձը դանակով սպանել էր մի երիտասարդի և չքվել անհայտ ուղղությամբ: Թաղամասի բնակիչները հավաքվել էին` իրավապահ մարմիններից պահանջելով սպանության արագ բացահայտում: Սակայն հավաքը վերածվել էր անկարգությունների, որի արդյունքում ձերբակալվել է 400 մարդ: