Եթե Սաակաշվիլին 2008-ին հիմարություններ թույլ չտար, աշխարհը չէր ների Ռուսաստանի արարքը. Իվանիշվիլի

Վրաստանի վարչապետ Բիձինա Իվանիշվիլին Վրաստանի «Առաջին ալիք»-ին տված հարցազրույցի ժամանակ հայտարարել է, որ եթե Սաակաշվիլին և նրա թիմակիցները 2008-ին հիմարություններ թույլ չտային, ապա Ռուսաստանին ոչ ոք չէր ների իր գործողությունները. մեջբերում է Грузия-Online-ը: 

«Եթե չլինեին Սաակաշվիլիի սխալները, Ռուսաստանը չէր կարողանա նման ագրեսիա ցուցաբերել, և մեր տարածքներն օկուպացված չէին լինի: Դա ողջ աշխարհը գիտի: Դրա համար էլ մեզ ցուցաբերվող օգնությունը միայն հայտարարությունների տեսքով է սահմանափակվում: Եթե 2008-ին Սաակաշվիլին հիմարություններ թույլ չտար, ապա ողջ աշխարհը, հնարավոր է, բողոք հայտներ Սոչիում ձմեռային օլիմպիադայի անկացման վերաբերյալ»,-ասել է Իվանիշվիլին: