Իրանում բազմահազարանոց հակաամերիկյան բողոքի ցույց է ընթանում

Հազարավոր մարդիկ դուրս են եկել Իրանի մայրաքաղաք Թեհրանի փողոցներ հակաամերիկյան ակցիային մասնակելու, որը նվիրված է 1979-ին իսլամիստ ուսանողների կողմից ԱՄՆ-ի դեսպանատունը գրավելու իրադարձություններին. գրում է Associated Press-ը: Ցուցարարները հավաքվել են այն շենքի մոտ, ուր նախկինում գտնվում էր ԱՄՆ-ի դեսպանատունը: Ոմանք այրում են ամերիկյան դրոշը` բացականչելով` «Մահ Ամերիկային»:

Բողոքի այս ակցիան կազմակեպվում է ամեն տարի, սակայն այս անգամ այն հատկապես մասսայական բնույթ է կրում` պայմանավորված Իրանի նոր նախագահ Հասան Ռոհանիի քաղաքականության հանդեպ ավանդապաշտ իրանցիների դժգոհություններով: 

Միաժամանակ, նախագահ Ռոհանին, ելույթ ունենալով հեռուստատեսությամբ, այսօր հայտարարել է, որ իրանցի ժողովուրդն ատելություն չի տածում ամերիկացիների հանդեպ, սակայն քննադատում է իրենց երկրի նկատմամբ ԱՄՆ-ի վարած քաղաքականությունը: 

Ռոհանին նշել է, որ ազգային ինքնուրույնությունն ու երկրի անկախությունը պետք է լինեն այն կարմիր գիծը, որը չպետք է խախտվի որևէ մեկի կողմից: