Ֆիլիպիններին տրոպիկական նոր աղետ է մոտենում

Տրոպիկական «Զորայդա» դեպրեսիան այս պահին գտնվում է Ֆիլիպինների հարավային Դավաո քաղաքից 160 կմ հեռավորության վրա և շարժվում է դեպի հյուսիս-արևմուտք ժամում 30 կմ արագությամբ:

Ֆիլիպինների կառավարության տվյալներով` այս պահին «Զորայդան» իր հետ բերում է քամի, որի ուժգնությունը ժամում կազմում է 55 կմ: Ակնկալվում է, որ այն վրա կհասնի Ֆիլիպիններին երեքշաբթի ցերեկը և կփոթորկի այնտեղ մինչև հինգշաբթի օրը:

Երկրի 30 շրջաններում արդեն փոթորկի նախազգուշացում է հայտարարվել: