Մոսկվայում Լեհաստանի դեսպանատան վրա ճայթուկներ են նետել

ՌԴ մայրաքաղաք Մոսկվայի կենտրոնում ձերբակալվել է 3 մարդ՝ հասարակական կարգը խախտելու համար. գրում է РИА Новости-ն:

Իրավապահ մարմիններում գործակալության աղբյուրը հայտնում է, որ ձերբակալվել է 3 երիտասարդ՝ չորեքշաբթի օրը Մոսկվայում Լեհաստանի դեսպանատան վրա ճայթուկներ նետելու մեղադրանքով:

Մոսկվայում բողոքի ակցիան տեղի էր ունեցել այն բանից հետո, երբ նոյեմբերի 11-ին Վարշավայում լեհ ազգայնականները և աջ արմատականները անկախության երթ էին կազմակերպել, որի ընթացքում ռուսական դեսպանատան մոտ այրվել էր ոստիկանական հսկիչ կետը, իսկ դիվանագիտական ներկայացուցչության ուղղությամբ քարեր և ճայթուկներ էին նետվել: